ACS Technology

News

ചർമ്മ സംരക്ഷണത്തിന് ഇനി ഓട്സ് മതി

Lifestyle

എല്ലാത്തരം ചർമ്മ പ്രശ്‌നങ്ങൾക്കും ഉള്ള പരിഹാരം അടുക്കളയിൽ തന്നെ കണ്ടെത്താം, മറ്റൊന്നുമല്ല ഓട്സ് തന്നെ. ഓട്‌സിന്റെ നിരവധി പോഷക ഗുണങ്ങളെക്കുറിച്ച് നിങ്ങൾക്ക് തീർച്ചയായും അറിവുണ്ടാകും. മൂന്ന് - നാല് നേരമുള്ള നമ്മുടെ ഭക്ഷണക്രമങ്ങളിൽ ഏതിലായാലും, ഓട്സ് ചേർക്കുന്നത് വഴി നല്ല ആരോഗ്യസ്ഥിതി സ്വായത്തമാക്കാനും ശരീരഭാരം കുറയ്ക്കാനും ഒക്കെ സാധിക്കുന്നു. ഓട്‌സിൽ അടങ്ങിയിരിക്കുന്ന ഫൈബറും മറ്റു പോഷക ധാതുക്കളും എല്ലാം ഹൃദ്രോഗം, പ്രമേഹം, അമിതവണ്ണം തുടങ്ങിയ അപകടകരമായ ശരീരാവസ്ഥകളെ ഒഴിവാക്കാൻ സഹായിക്കുന്നവയാണ്.

ചർമ്മ സൗന്ദര്യത്തിന് ഓട്സ്

ചർമ്മ സംരക്ഷണത്തിന്റെ ആവശ്യങ്ങൾക്കും സൗന്ദര്യ വർദ്ധനത്തിനും ഒക്കെ ഓട്സ് ഉപയോഗിക്കാൻ സാധിക്കും. ഓട്‌സിന് ചർമ്മത്തിൽ അധികമായുള്ള എണ്ണമയത്തെ വലിച്ചെടുക്കാനും മുഖക്കുരുവിന്റെ പ്രതിരോധിക്കാനും കഴിയും. ഇതിൽ അടങ്ങിയിരിക്കുന്ന ആന്റിഓക്‌സിഡന്റുകളും ആൻറി-ഇൻഫ്ലമേറ്ററി ഗുണങ്ങളും വരണ്ട ചർമ്മത്തെ നേരിടാനും ചർമ്മത്തിലെ നിർജ്ജിവ കോശങ്ങളെ നീക്കം ചെയ്യാനും സഹായിക്കും. സാപ്പോണിൻസ് എന്ന പ്രകൃതിദത്ത ഘടകങ്ങൾ ഓട്‌സിൽ അടങ്ങിയിട്ടുള്ളതിനാൽ ഇത് ചർമ്മ സുഷിരങ്ങളിലൂടെ പുറന്തള്ളുന്ന അഴുക്കിനേയും എണ്ണയേയും നീക്കം ചെയ്തു കൊണ്ട് വൃത്തിയായി സംരക്ഷിക്കാൻ സഹായിക്കുന്നു.

പലതരം ആരോഗ്യ പ്രശ്നങ്ങളെ ചികിത്സിക്കാനായി ഓട്‌സ് തെരഞ്ഞെടുക്കാം. ഇത് ഉപയോഗിക്കുമ്പോൾ സാധാരണ ഗതിയിൽ ആർക്കും വലിയ പ്രശ്നങ്ങളൊന്നും അനുഭവപ്പെടാറില്ല. എങ്കിലും ഇത് ചെയ്യുമ്പോൾ നിങ്ങൾക്ക് ഏതെങ്കിലും റിയാക്ഷൻ അനുഭവപ്പെട്ടാൽ ഉടൻ തന്നെ നിങ്ങളുടെ ഡോക്ടറെ സമീപിച്ച് ഉപദേശം തേടേണ്ടത് അത്യാവശ്യമാണ്.

മുഖകാന്തിക്ക് ഓട്സ് ഉപയോഗിച്ചുകൊണ്ടുള്ള പലതരം മികച്ച ഫെയ്സ് പായ്ക്കുകൾ എങ്ങനെ വീട്ടിൽ തന്നെ നിർമ്മിക്കാമെന്ന് നമുക്ക് മനസ്സിലാക്കാം. ഏറ്റവും എളുപ്പത്തിൽ വളരെ കുറച്ചു സമയം കൊണ്ട് ചെയ്യാൻ സാധിക്കുന്ന ലളിതമായ ഓട്സ് ഫെയ്‌സ് പാക്കുകൾ പരിചയപ്പെടാം.

ഒരു പാത്രം ഓട്സ് കൊണ്ട് നിങ്ങൾക്ക് നിങ്ങളുടെ മുഖക്കുരുവിന് ഒരു പരിഹാരം കണ്ടെത്താം. ഓട്‌സിൽ സിങ്ക് ധാരാളമായി അടങ്ങിയിട്ടുണ്ട്, ഇത് ചർമത്തിലെ വീക്കത്തെ കുറച്ചുകൊണ്ട് മുഖക്കുരു ഉണ്ടാക്കുന്ന ബാക്ടീരിയൽ പ്രവർത്തനത്തെ ഇല്ലാതാക്കുന്നു. ചർമത്തിലെ എണ്ണമയത്തിന്റെ അംശം പെട്ടെന്ന് ഉയരുമ്പോൾ മുഖക്കുരു ഉണ്ടാകാൻ കാരണമാകാറുണ്ട്. ശരീര ചർമ്മത്തിൽ അധിക അളിവിൽ ഉണ്ടാകുന്ന എണ്ണയെ വലിച്ചെടുത്ത് കൊണ്ട് മുഖക്കുരുവിനെ തടഞ്ഞു നിർത്താനും ഇതിന് സാധിക്കുന്നു.

  • മുഖക്കുരുവിന് പ്രതിവിധി

അരക്കപ്പ് ഓട്സ് എടുത്ത ശേഷം അരക്കപ്പ് വെള്ളത്തോടൊപ്പം ചേർത്ത് നന്നായി തിളപ്പിക്കുക. ഈ മിശ്രിതം നന്നായി തണുക്കാൻ അനുവദിച്ച ശേഷം നന്നായി കലക്കികൊണ്ട് ഏറ്റവും കുഴമ്പ് രൂപത്തിലാക്കി എടുക്കുക. ഇത് നിങ്ങളുടെ മുഖത്ത് തേച്ചു പിടിപ്പിച്ച് 20 മിനിറ്റോളം കാത്തിരിക്കാം അതിന് ശേഷം ഇളം ചൂടുവെള്ളം ഉപയോഗിച്ച് കൊണ്ട് കഴുകി വൃത്തിയാക്കാം. നിങ്ങൾക്ക് വേണമെങ്കിൽ ഈ മിശ്രിതത്തിലേക്ക് തക്കാളി പേസ്റ്റ് കൂടി ചേർക്കാവുന്നതാണ്. പക്ഷേ നിങ്ങൾ തക്കാളിക്ക് ഒട്ടും തന്നെ അലർജി ഇല്ലാത്തവരാണ് എന്ന് ഉറപ്പുവരുത്തണം.

  • എക്സ്ഫോളിയേഷൻ

ഓട്സുകളിൽ അടങ്ങിയിരിക്കുന്ന സാപ്പോണിനുകൾക്ക് തീവ്രമായ എക്സ്ഫോളിയറ്റിംഗ് ഗുണങ്ങളുണ്ട്. ചർമ്മത്തിന്റെ പുറം ഭാഗത്ത് നിലകൊള്ളുന്ന നിർജ്ജീവ കോശങ്ങളെ എളുപ്പത്തിൽ അടർത്തി കളയാൻ ഇത് സഹായിക്കുന്നു, ഇതോടൊപ്പം നിങ്ങൾക്ക് തിളക്കമാർന്നതും യുവത്വമുള്ളതുമായ ചർമ്മ വ്യവസ്ഥിതി കൈവരിക്കാൻ സാധിക്കുന്നു. ഓട്സ് ഉപയോഗിച്ച് ചർമ്മം എക്സ്ഫോളിയേറ്റ് ചെയ്യേണ്ടതെങ്ങനെയെന്ന് നോക്കാം.

ഇളം ചൂടുള്ള കുറച്ചു വെള്ളത്തിലേക്ക് ഓട്സ് ചേർത്ത ശേഷം ഇതിലേക്ക് കുറച്ച് പഞ്ചസാരയും വെളിച്ചെണ്ണയും ചേർക്കുക. ഇത് നിങ്ങളുടെ മുഖത്ത് തേച്ചു പിടിപ്പിച്ച ശേഷം 20 മിനിറ്റ് കാത്തിരിക്കാം. മൃദുവായി നനച്ചെടുത്ത ടിഷ്യു പേപ്പറുകൾ ഉപയോഗിച്ച് പതുക്കെ മുഖം വൃത്തിയാക്കാം. മികച്ച ഫലങ്ങൾ ലഭ്യമാകാനായി, ആഴ്ചയിൽ രണ്ടുതവണയെങ്കിലും ഈ സ്‌ക്രബ് ഉപയോഗിക്കുക.

  • മുഖത്തെ കറുത്ത പാടുകൾക്ക്

ശരീര ചർമ്മത്തെ ശുദ്ധീകരിക്കാൻ ശേഷിയുള്ള സാപ്പോണിൻസ് എന്ന രാസ ഘടകങ്ങൾ ഓട്‌സിൽ ആവശ്യത്തിലധികം ഉണ്ട്. മുഖ ചർമ്മത്തിൽ കാണപ്പെടുന്ന കറുത്ത പാടുകൾ ഉണ്ടാകാനുള്ള പ്രധാന കാരണം ചർമ്മ സുഷിരങ്ങളാൽ ഉണ്ടാവുന്ന പരിക്കുകളാണ്. ഓട്സ് ഇത്തരം സുഷിരങ്ങളിലേക്ക് കടന്നു ചെന്നുകൊണ്ട് ഇവയെ ഏറ്റവും ശക്തിയോടെ കാത്തു സംരക്ഷിക്കുന്നു.

രണ്ട് ടേബിൾസ്പൂൺ എടുത്തശേഷം ഇതിലേക്ക് മൂന്ന് ടേബിൾ സ്പൂൺ തൈര് കൂടി ചേർക്കുക. ഇതോടൊപ്പം ഒരു നാരങ്ങയുടെ പകുതി പിഴിഞ്ഞ് ചേർത്ത ശേഷം നന്നായി മിക്സ് ചെയ്തെടുക്കാം. നിങ്ങളുടെ മൂക്കിന്റെ ഭാഗങ്ങളിലും പാടുകൾ കാണപ്പെടുന്ന മറ്റ് മുഖത്തെ മറ്റ് ഭാഗങ്ങളിലും ഇത് നന്നായി തേച്ചു പിടിപ്പിക്കുക. ഒരു 15 മിനിറ്റ് നേരം കാത്തിരുന്ന ശേഷം ഇളം ചൂടുവെള്ളം ഉപയോഗിച്ച് കഴുകിക്കളയാം.

  • വരണ്ട ചർമ്മത്തിന്

ഓട്സ് ഒരു പ്രകൃതിദത്ത മോയ്‌സ്ചുറൈസറായി പ്രവർത്തിച്ചുകൊണ്ട്‌ ചർമ്മത്തിലെ നിർജീവമായ കോശങ്ങളെ നീക്കം ചെയ്യാൻ സഹായിക്കുന്നു. ഇതിലെ ആന്റി ഓക്സിഡന്റ് സവിശേഷതകളും ആൻറി ഇൻഫ്ലമേറ്ററി പോഷകങ്ങളും ചർമ്മ പടലത്തിലെ നർജ്ജിവമായ കോശങ്ങളെ എളുപ്പത്തിൽ അടർത്തി കളയാൻ സഹായിക്കുന്നു. ഓട്‌സിൽ അടങ്ങിയ പി.എച്ച് ഗുണങ്ങൾ ചർമ്മത്തെ തണുപ്പിക്കാൻ സഹായിക്കുന്ന ഒന്നാണ്. ഇത് മുഖ ചർമ്മത്തിൽ ഉണ്ടാകാനിടയുള്ള ചുണങ്ങ് പോലെയുള്ള ആരോഗ്യ പ്രശ്നങ്ങളെ തടഞ്ഞു നിർത്തുന്നു.

നിങ്ങൾക്ക് കുളിക്കാനുള്ള വെള്ളത്തിലേക്ക് കുറച്ച് വേവിക്കാത്ത ഓട്സും, ബേക്കിംഗ് സോഡയും ചേർക്കാം. ആൻറി ഓക്സിഡെന്റുകൾ അടങ്ങിയിരിക്കുന്ന ഈ വെള്ളം ഉപയോഗിച്ച് കൊണ്ട് 20 മിനിറ്റോളം കുളിക്കാം. നിങ്ങൾക്ക് വേണമെങ്കിൽ കൊളോയ്ഡൽ ഓട്സുകൾ വാങ്ങിച്ച് ഉപയോഗിക്കാം. കൊളോയ്ഡൽ ഓട്സ് ഒരു പ്രത്യേക തരം മിശ്രിത ഉൽപ്പന്നമാണ്. കുളിക്കാനുള്ള ഉപയോഗത്തിനു വേണ്ടിയാണ് ഇവ രൂപകൽപ്പന ചെയ്തിരിക്കുന്നത്.

ഓട്സ് ഫെയ്‌സ് പാക്കുകൾ 

  • ബദാം - ഓട്സ് ഫേസ് പായ്ക്ക്

ആവശ്യമായ ചേരുവകൾ
2-3 ബദാം
2 ടേബിൾസ്പൂൺ പാൽ
1 ടേബിൾസ്പൂൺ ഓട്സ്

ബദാം നന്നായി പൊടിച്ചെടുത്ത് ശേഷം പാലിൽ ചേർക്കാം. ഇതിലേക്ക് ഓട്സ് കൂടി ചേർത്ത് നന്നായി മിക്സ് ചെയ്യാം. ഇത് മുഖത്ത് തേച്ച് പിടിപ്പിച്ച ശേഷം 10-15 മിനിറ്റ് കാത്തിരിക്കാം. ശുദ്ധജലം ഉപയോഗിച്ച് കഴുകി കളയാം. എല്ലാത്തരം ചർമ്മ വ്യവസ്ഥിതി ഉള്ളവർക്കും ഈ പാക്ക് അനുയോജ്യമാണ്. തിളങ്ങുന്നതും ഈർപ്പം ഉള്ളതുമായ ചർമം ലഭ്യമാകാൻ സഹായിക്കുന്നു.

  • തേൻ - ഓട്സ് ഫേസ് പായ്ക്ക്

ആവശ്യമായ ചേരുവകൾ
2 ടേബിൾ സ്പൂൺ ഓട്സ്
1 ടേബിൾസ്പൂൺ തേൻ
2 ടേബിൾ സ്പൂൺ ശുദ്ധമായ പാല്

കുറച്ച് തേൻ എടുത്ത് ഓട്സിനോടൊപ്പം ചേർത്ത് നന്നായി മിക്സ് ചെയ്യാം. ഇതിലേക്ക് ഒന്നോ രണ്ടോ സ്പൂൺ പാല് കൂടി ചേർത്ത് പേസ്റ്റ് രൂപത്തിലാക്കി എടുക്കാം. നിങ്ങളുടെ മുഖ ചർമ്മത്തിൽ ഇത് തേച്ചുപിടിപ്പിച്ച ശേഷം ഉണങ്ങാനായി 15 മിനിറ്റ് കാത്തിരിക്കാം. ശുദ്ധമായ വെള്ളം ഉപയോഗിച്ച് കഴുകി കളയുമ്പോൾ മൃദുത്വം ഉള്ളതും ഈർപ്പം നിലനിൽക്കുന്നതുമായ മുഖചർമ്മം ലഭ്യമാകും.

  • തൈര് - ഓട്സ് ഫേസ് പായ്ക്ക്

ആവശ്യമായ ചേരുവകൾ
2 ടേബിൾ സ്പൂൺ ഓട്സ്
1/2 ടേബിൾ സ്പൂൺ തൈര്

ഒരു ചെറിയ ബൗൾ എടുത്ത ശേഷം അതിലേക്ക് ഈ രണ്ട് ചേരുവകളും ഒരുമിച്ച് ചേർത്ത് നന്നായി മിക്സ് ചെയ്യുക. മുഖത്തെയും കഴുത്തിലെയും ചർമം തലങ്ങളിൽ ഈ ഫേസ് പാക്ക് തേച്ചുപിടിപ്പിച്ച ശേഷം 10 മുതൽ 15 മിനിറ്റ് വരെ കാത്തിരിക്കാം. ഇത് മുഖത്തെ ചർമ്മ പടലങ്ങളിലേക്ക് വലിഞ്ഞു കഴിഞ്ഞാൽ തണുത്ത വെള്ളം ഉപയോഗിച്ച് കഴുകി കളയാവുന്നതാണ്. വലിയ ചർമ്മ സുഷിരങ്ങളുള്ള എല്ലാവർക്കും ഈ ഫെയ്സ് പായ്ക്ക് ഉപയോഗിച്ചു കൊണ്ട് അവയെ ചുരുക്കാനും ആരോഗ്യകരമായ ചർമ്മ വ്യവസ്ഥിതി നിലനിർത്താനും കഴിയും.

English Summary : homemade oatmeal face packs to get beautiful skin



Related News

Other News


Trending

View all

LATEST STORIES FROM Kerala Voter